Прэзентацыя чарговага нумара літаратурнага альманаха "Жырандоля"

20 красавіка а 16 гадзіне ў канферэнц-зале Брэсцкай цэнтральнай гарадской бібліятэцы імя А.С. Пушкіна (бульвар Шаўчэнкі, 3) адбудзецца прэзентацыя чарговага нумара літаратурнага альманаха “Жырандоля”.

Адзін з арганізатараў мерапрыемства – Брэсцкае абласное аддзяленне грамадскага аб’яднання “Саюз беларускіх пісьменнікаў”, старшынёй якога і галоўным рэдактарам альманаха “Жырандоля” з’яўляецца Мікола Аляхновіч.

На прэзентацыі таксама будзе экспанавацца кніжная выстава. На ёй будуць прадстаўлены берасцейскія аўтары, творы якіх размешчаны ў новым выпуску альманаха.